જન્મ તારીખનો દાખલો ઓનલાઇન ડાઉનલોડ કરો – સંપૂર્ણ માર્ગદર્શન (ગુજરાતી)

 જન્મ તારીખનો દાખલો ઓનલાઇન ડાઉનલોડ કરો: હવે ઘરે બેઠા મેળવો બર્થ સર્ટિફિકેટ

જન્મ પ્રમાણપત્ર ઓનલાઇન ડાઉનલોડ કેવી રીતે કરવું? મોબાઈલથી ઘરેથી જ જન્મ તારીખનો દાખલો ચેક કરો અને PDF ડાઉનલોડ કરો – સંપૂર્ણ માર્ગદર્શન ગુજરાતી માં.

     બાળકના જન્મ પછી જન્મ પ્રમાણપત્ર (Birth Certificate) મેળવવું ખૂબ જ જરૂરી દસ્તાવેજ છે. શાળા પ્રવેશ, આધાર કાર્ડ, પાસપોર્ટ, સરકારી યોજનાઓ વગેરે દરેક જગ્યાએ તેની જરૂર પડે છે. પરંતુ ઘણી વખત નગરપાલિકા કે ગ્રામ પંચાયતના વારંવાર ચક્કર લગાવવાના પડે છે અને જન્મનો દાખલો તૈયાર થયો છે કે નહીં તેની માહિતી પણ મળતી નથી.

👉 હવે આ બધું ઝંઝટ ભૂલી જાવ!

હવે તમે ઘરે બેઠા મોબાઈલથી પણ જાણી શકો છો કે જન્મ પ્રમાણપત્ર બન્યું છે કે નહીં અને તૈયાર હોય તો ઓનલાઇન ડાઉનલોડ પણ કરી શકો છો.

📌 જન્મ પ્રમાણપત્ર કેમ જરૂરી છે?

જન્મ પ્રમાણપત્ર એ સરકાર દ્વારા આપવામાં આવતો એક અધિકૃત દસ્તાવેજ છે જેમાં નીચેની વિગતો હોય છે:

• બાળકનું નામ અને જન્મ તારીખ
• જન્મનું સ્થળ (હોસ્પિટલ / ઘર)
• માતા-પિતાનું નામ
• રજિસ્ટ્રેશન નંબર અને તારીખ

📄 જન્મ પ્રમાણપત્ર ઓનલાઇન ડાઉનલોડના ફાયદા

• ✔️ નગરપાલિકાના ધક્કાથી બચાવ
• ✔️ સમય અને પૈસાની બચત
• ✔️ 24×7 સુવિધા – ક્યારેય પણ ડાઉનલોડ
• ✔️ મોબાઈલથી સરળ પ્રક્રિયા
• ✔️ ફરીથી નકલ (Duplicate Copy) સરળતાથી મેળવી શકાય

✅ જન્મ પ્રમાણપત્ર ઓનલાઈન બન્યું છે કે નહીં તે કેવી રીતે જાણશો?

સરકાર દ્વારા Civil Registration System (CRS) મારફતે આ સુવિધા આપવામાં આવી છે.

• ઓનલાઈન ચેક કરવા માટે નીચેની માહિતી તૈયાર રાખો:
• બાળકનું નામ
• જન્મ તારીખ
• જન્મ સ્થળ (નગરપાલિકા / ગ્રામ પંચાયત)
• રજિસ્ટ્રેશન નંબર (જો હોય તો)

📲 જન્મ પ્રમાણપત્ર ઓનલાઇન ડાઉનલોડ કરવાની સ્ટેપ-બાય-સ્ટેપ રીત

ગુજરાતમાં જન્મનો દાખલો ઓનલાઇન મેળવવા માટે નીચેના સ્ટેપ્સ ફોલો કરો:

સ્ટેપ 1: સત્તાવાર વેબસાઇટની મુલાકાત લો

સૌ પ્રથમ તમારા મોબાઈલ કે લેપટોપમાં બ્રાઉઝર ખોલો અને ગુજરાત સરકારની અધિકૃત વેબસાઇટ પર જાઓ.

https://dc.crsorgi.gov.in/crs/home

સ્ટેપ 2: 'Download Certificate' પર ક્લિક કરો

વેબસાઇટના હોમ પેજ પર તમને "Download Certificate" અથવા "Birth Certificate" નો વિકલ્પ જોવા મળશે, તેના પર ક્લિક કરો.

સ્ટેપ 3: વિગતો ભરો

હવે તમારી સામે એક ફોર્મ ખુલશે જેમાં તમારે નીચેની વિગતો પસંદ કરવાની રહેશે:

તમારો જિલ્લો અને તાલુકો પસંદ કરો.

ગામ અથવા નગરપાલિકાનું નામ પસંદ કરો.

જન્મ તારીખ અને મોબાઈલ નંબર દાખલ કરો

સ્ટેપ 4: શોધ (Search) કરો

બધી વિગતો ભર્યા પછી 'Search' બટન પર ક્લિક કરો. જો તમારો દાખલો ઓનલાઇન અપલોડ થઈ ગયો હશે, તો તમારી સ્ક્રીન પર બાળકની વિગત દેખાશે..

સ્ટેપ 5: ડાઉનલોડ અને પ્રિન્ટ

વિગતોની સામે આપેલ 'Download' બટન પર ક્લિક કરવાથી PDF ફાઈલ ડાઉનલોડ થઈ જશે. તમે આની પ્રિન્ટ કઢાવીને દરેક જગ્યાએ ઉપયોગમાં લઈ શકો છો.

💡 મહત્વની નોંધ:

જો તમારી વિગતો ઓનલાઇન ન બતાવતી હોય, તો તમારે જે-તે ગ્રામ પંચાયત અથવા નગરપાલિકાની કચેરીનો સંપર્ક કરવો જોઈએ. ઘણીવાર ડેટા એન્ટ્રીમાં સમય લાગતો હોવાથી ઓનલાઇન બતાવતા વાર લાગે

• જન્મ નોંધણી સામાન્ય રીતે 21 દિવસમાં કરવી ફરજિયાત છે
• મોડું રજિસ્ટ્રેશન હોય તો નગરપાલિકા મારફતે પ્રક્રિયા કરવી પડે
• ઓનલાઈન માહિતી ખોટી હોય તો સંબંધિત કચેરીમાં સુધારો કરાવો

પ્રશ્નો (FAQ)

1️⃣ જન્મ પ્રમાણપત્ર ઓનલાઈન ક્યારે ઉપલબ્ધ થાય છે?

➡️ સામાન્ય રીતે બાળકના જન્મ પછી 15 થી 21 દિવસમાં જન્મ નોંધણી થઈ જાય છે. ત્યારબાદ જન્મ પ્રમાણપત્ર ઓનલાઈન સિસ્ટમમાં જોવા મળે છે.

2️⃣ જન્મ પ્રમાણપત્ર ઓનલાઇન ડાઉનલોડ કરવા માટે શું કોઈ ફી ચૂકવવી પડે?

➡️ નહીં ❌જન્મ પ્રમાણપત્ર ઓનલાઈન ડાઉનલોડ સંપૂર્ણપણે નિઃશુલ્ક (Free) છે.

3️⃣ મોબાઈલમાંથી ડાઉનલોડ કરેલું જન્મ પ્રમાણપત્ર માન્ય ગણાય છે?

➡️ હા ✅Civil Registration System (CRS) પરથી ડાઉનલોડ કરેલું PDF જન્મ પ્રમાણપત્ર સરકારી રીતે માન્ય છે અને તમામ કામ માટે ઉપયોગ કરી શકાય છે.

4️⃣ જો ઓનલાઈન જન્મ પ્રમાણપત્ર ન મળે તો શું કરવું?

➡️ આવી સ્થિતિમાં તમે:સંબંધિત નગરપાલિકા / ગ્રામ પંચાયતમાં સંપર્ક કરોનોંધણી થઈ છે કે નહીં તે તપાસાવોજો માહિતી ખોટી હોય તો સુધારાની અરજી કરો

5️⃣ જન્મ પ્રમાણપત્રમાં નામ અથવા તારીખ ખોટી હોય તો સુધારો કેવી રીતે કરવો?

➡️ જન્મ પ્રમાણપત્રમાં સુધારો કરવા માટે સ્થાનિક નગરપાલિકા અથવા પંચાયત કચેરીમાં અરજી કરવી પડે છે. જરૂરી દસ્તાવેજો સાથે સુધારો કરાવી શકાય છે.

🔔 મહત્વપૂર્ણ જાણકારી

આવીજ તદન નવીજ માહિતી, સરકારી અપડેટ, ફોર્મ, યોજના અને ઉપયોગી માર્ગદર્શન
સૌથી પહેલા મેળવવા માટે અમારા વૉટ્સએપ ગ્રુપ માં આજે જ જોડાઓ 👇

👉 WhatsApp Group Join કરો